Arabia Saudite kishte informuar Gjermaninë që në nëntor 2023 për sulmin, Bundestagu heton punën e shërbimeve inteligjente për sulmin në tregun e Krishtlindjeve
23/12 11:45
Aktori i Hollywood Johnny Depp ka marrë hak sot në mbyllje të seancës së katërt të gjyqit duke thënë se ish-gruaja e tij pine dy shishe verë çdo natë, i merrte kokainën, e filmonte fshehtas dhe tërbohej kur nuk merrte të gjithë vëmendjen e tij.
Ai akuzoi aktoren 34-vjeçare se kishte sabotuar përpjekjet e tij për të hequr dorë nga alkooli duke mbajtur një shishe uiski ‘Bulleit’ në frigorifer dhe rregullisht merrte droga zbavitjeje.
Depp thotë se Heard “më hidhte uiski në gotë, përgatiste vizat e kokainës dhe më pas e fërkonte atë në mishrat e saj të dhëmbëve”.
Aktori 57-vjeçar thotë se ish-gruaja e tij çmendej në kriza nervore për çështje të kota si për shembull nëse i hiqte apo jo këpucët në shtëpi, apo përse nuk i hidhte krahun kur ishin duke parë televizor.
Ai tha në gjyq: “Ajo kishte vendosur rregullat e saj në shtëpi dhe sa herë që çdo pjesë e rutinës së caktuar prej saj nuk plotësohej, do të kishte probleme. Nëse kishte një argument, shtëpia bëhej ‘ferri në tokë’.
Aktori thotë se Heard vazhdimisht e filmonte fshehtësisht dhe se sa herë që nuk plotësonte urdhrat e saj e quante ‘monstër’.
Mes të tjerash Depp tha gjithashtu: “Këto janë disa shembuj të vegjël por besoj se janë përfaqësues të së tërës. Heard kishte zakonin që sa herë vija nga puna dhe ulesha në divan, ajo vinte dhe më hiqte këpucët, që ishte gjest shumë i bukur. Por në një rast, unë u erdha në shtëpi dhe ajo ishte duke bërë diçka prandaj unë i hoqa vetë këpucët kur ajo u afrua e më tha, ‘Pse i hoqe këpucët? Atë e bëj unë’, dhe me këtë nisi sherri.”
Depp tha më tej: “Normalisht në shtëpi hanim darkë në divan para televizorit, por në një rast kur unë nuk isha duke mbajtur dorën e saj apo nuk i kisha hedhur krahun, ajo merrte dorën time dhe e vinte mbi kofshën e saj, që të merrte të gjithë vëmendjen që dëshironte. Ishte sikur të kishte rregulla, dhe nëse ato nuk zbatoheshin kishte probleme”.
Top Channel
