Lufta në Ukrainë/ Zelensky ofertë Koresë së Veriut: Do ju japim ushtarët e zënë rob, në këmbim të… 13/01 10:00
Një infermiere në Britani, e cila ishte infektuar me koronavirus, është duartrokitur nga kolegët në momentin që rezultoi negative dhe la ambientet e spitalit.
Infermierja Elanie Ferrigan, 52 vjeçe, nuk i ka mbajtur dot lotët teksa linte ambientet e Spitalit Universitar Ainetree në Liverpool. Fillimisht, kur mësoi se ishte e infektuar me sëmundjen, Elanie, u vetëizolua në shtëpi, por kur gjendja e saj u përkeqësua, ajo u shtrua në spital. Në momentet e para që u paraqit në spital, 52 vjeçarja ndodhej në gjendje të rënduar shëndetësore, por me kalimin e ditëve gjendja e saj u përmirësua ndejshëm.
“Ne mendojmë se mamaja u infektua me virusin para se qeveria të shpallte bllokimin. Ajo fillimisht shfaqi simptoma të gripit dhe u izolua në shtëpi. Por më pas filloi të kishte shumë të vjella dhe gjendja e saj u përkeqësua ndjeshëm”, u shpreh vajza e Elanie.
Ndërkohë, kujtojmë që deri më tani në Britaninë e Madhe, si pasojë e koronavirusit, kanë humbur jetën 11,329 persona, ndërsa 88,621 të tjerë janë shpallur të infektuar, shkruajnë mediat e huaja.
Top Channel
