Bilanci i Covid-19 në Zelandën e Re: Vetëm një viktimë!

Të enjten, vendi raportoi 29 raste të reja, duke e çuar totalin në 1239, dhe vetëm një të vdekur. Nga këto raste, vetëm 14 janë në spital dhe 317 janë shëruar.

Zelanda e re, një vend i vogël ishullor, me një popullatë prej më pak se 5 milionë banorësh, është në gjysmë të izolimit një mujor që ka si qëllim jo thjeshtë vendosjen nën kontroll të virusit, por eliminimin e plotë të tij. E deri më tani, duket se përpjekja po rezulton e suksesshme.

Për vende të tjera, këto shenja pozitive mund të jenë një arsye për të hequr kufizimet. Danimarka,, me 5597 raste dhe 218 viktima, ka njoftuar se do të fillojë heqjen e kufizimeve javën e ardhshme nëse rastet mbeten në këtë nivel. Por, kryeministrja e Zelandës së Re, tha të enjten se ajo do të forconte kufizimet në kufi, dhe të bënte që të gjithë ata që arrijnë në vend do të qëndrojnë dy javë në karantinë në një ambjent të miratuar dhe jo të izolohen në shtëpi. Rregulli aplikohet vetëm për banorët e Zelandës së Re, të huajt e kanë të ndaluar të hyjnë në vend nga 20 marsi. Ne jemi vetëm në gjysmë të rrugës- tha ajo në një konferencë për shtyp.

Ajo që kemi bërë këto dy javë është e jashtëzakonshme. Ne i kemi marrë këto vendime së bashku dhe po mbrojmë njëri tjetrin. Por kjo do të jetë një maratonë…në luftën kundër koronavirusit, sidoqoftë, Zelanda e Re ka dy avantazhe; gjeografinë dhe kohën. Më 28 shkurt, ajo konfirmoi rastin e parë të koronavirusit, plot një muaj para se SHBA ta bënte këtë. Dhe më 29 mars, vendi konfirmoi viktimën e parë dhe të vetme deri më tani. Veç të tjerash, Zelanda e Re është edhe ishull, larg nga vendet e tjera.

Top Channel