E akuzon për spiunazh, Rusia dëbon diplomatin britanik: Ke dy javë kohë të largohesh nga vendi 26/11 13:51
Një grua e gjetur e vdekur në apartamentin e saj, është doktoresha e parë femër që vdes në Spanjë nga koronavirusi.
Mediat spanjolle thanë se trupi i 59 vjeçares Isabel Munoz, u gjet i vetëm në kuzhinën e saj, disa ditë pasi kishte nisur vetë-izolimin prej sëmundjes infektive.
Ajo kishte venë veten në karantinë të ashpër në shtëpinë e saj në qytetin e Salamanca, në veriperëndim të Spanjës.
Profesionistja e shëndetësisë bëri këtë pasi dalloi simptomat e para të Covid-19 por edhe pse nuk ishte testuar ishte e fiksuar me idenë se mund të infektonte njerëz të tjerë.
Doktoresha kishte dërguar të shoqin të jetonte me familjen e saj në fshatin Villaflor dhe refuzonte të priste vizita.
Vëllai i saj Jesus, tha për mediat: “Fiksimi i saj i vetëm ishte të mos infektonte njeri tjetër.”
Por i shoqi dhe vëllai u merakosën të martën kur ajo nuk përgjigjej në telefon, teksa policia e gjeti të vdekur.
Autoritetet konfirmuan se Munoz vdiq nga koronavirusi.
Dr Munoz ishte nje profesioniste e respektuar me më shumë se 1,300 pacientë në kujdesin e saj.
Top Channel
