Presidenti i Serbisë, Aleksandar Vuçiç është shprehur i zhgënjyer nga qasja e Bashkimit Evropian në lidhje me koronavirusin dhe i ka varur shpresat te ndihma e Kinës.
Në një deklaratë për mediat, Vuçiç ka thënë se solidariteti i madh evropian është vetëm një përrallë e shkruar. Kreu i shtetit serb i ka adresuar akuzat e tij tek presidentja e Komisionit Evropian, Ursula fon der Lajen, e cila, sipas tij, e ka klasifikuar Serbinë si një vend të papërshtatshëm për të blerë produkte dhe pajisje nga vendet e Unionit.
Në këto kushte, ka vijuar Vuçiç, i ka shkruar një letër “mikut dhe vëllait” të tij të dashur, presidentit kinez, Xi Jinping, si i vetmi person dhe lider i të vetmit vend që mund të ndihmojë Serbinë. “Unë kam besim tek presidenti Xi, që është jo vetëm miku dhe vëllai im personal, por i gjithë vendit”, ka shtuar Vuçiç.
Top Channel
