Konfirmohet rasti i parë me linë e majmunëve në Kosovë
27/12 09:48
Në mesnatën e së premtes u dëgjuan të shtëna të armëve në qendër të Prishtinës. Aty kanë mbetur të plagosur katër roje të klubit të natës “Duplex”.
Sipas “Insajder”, Astrit Mehmeti i njohur me nofkën ‘Llepota’, dyshohet ta ketë kryer këtë vepër duke shtënë me armë zjarri mbi rojet e klubit
Ai kishte qenë i shoqëruar nga Kushtrim Krasniqi dhe Andi Pajaziti. Të dy shoqëruesit e tij, po ashtu, kanë qenë të armatosur.
Po sipas kësaj media, Grupi i Astrit Mehmetit dhe rojet e sigurimit të “Duplex-it” janë gjuajtur me armë zjarri në hyrje të klubit të natës.
Brenda disa sekondave janë dëgjuar të krisura armësh, të cilat kanë krijuar panikë te qytetarët e pranishëm.
Përleshjen me armë mes dy grupeve e ka konfirmuar sot edhe Policia e Kosovës.
Kjo nuk është hera e parë që Astrit Mehmeti përfshihet në të tilla ngjarje në kryeqytetin kosovar.
Rreth tre muaj më parë, Mehmeti ishte ndaluar nga Policia e Kosovës nën dyshimin për vendosje të vetëgjyqësisë në lokalin e natës “Che Bar – Te Labi” në Prishtinë.
Top Channel
