LIVE SHQIPËRI-REP. ÇEKE/ Kuqezinjtë më kërkues, ka pretendime dhe për një penllati 16/11 21:49
Barcelona duket se i ka ndezur mirë motorët në Ligën Spanjolle.
Në Camp Nou skuadra katalanase mposhti Sevillan 4-0 një rezultat ky që gënjen disi pasi andaluzianët i patën shanset e tyre, por nuk i shfrytëzuan, ndërkohë që katalanasit u treguan efikasë në sulmet e tyre.
Suarez me një roveshatë i dha avantazhin Barcelonës, gol që më pas u shoqërua nga ai i Vidal dhe Dembelesë dhe pjesa e parë u mbyll me rezultatin 3-0. La gjurmën e tij edhe Messi që duket se i ka lënë pas dëmtimet e këtij fillimi sezoni. Kapiteni i Barcelonës shënoi golin e katërt me atë që quhet specialiteti i tij, goditjen e dënimit.
Në minutat e fundit Barcelona luajti me 9 futbollistë pas ndëshkimit me karton të kuq të Araujos për faull dhe Dembelesë, me këtë të fundit që u ndëshkua për protesta të forta duke fyer arbitrin Lahoz. me këtë fitore Barcelona ngjitet në vendin e dytë me 2 pikë më pak se Real Madrid kryesues.
Top Channel
