“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Partizani i thotë lamtumirën Ligës së Kampioneve, por jo kompeticioneve evropiane. Skuadra e Të Kuqve u mund nga Karabaku 2-0 në ndeshjen e kthimit të raundit të parë kualifikues të evenimentit më të rëndësishëm për klube të zhvilluar në Baku të Azerbajxhanit
Në pjesën e parë u pa që Partizani ishte i pakalueshëm në mbrojtje pavarësisht përpjekjeve të skuadrës së Karabakut për të tentuar portën e mbrojtur nga Alban Hoxha.
Nga ana tjetër Të Kuqtë kërcënuan në zonën e skuadrës azere me Cinarin në minutën e 28 të sfidës kur portieri i Karabakut, vagner grushtoi gjuajtjen e tij duke i dhënë partizanit të fitojë një goditje këndi.
45 minutat e kësaj pjesë përfunduan me rezultatin 0-0.
Në fillimin e pjesës së dytë, Karabak gjeti golin e avantazhit me Obozic duke entuziazmuar tifozët e tij. Partizani pati një mundësi të artë për të barazuar me Solomon, por u ndal nga Vagner. portieri i Qarabag e hipnotizoi sërish Solomon në minutën e 74 kur e ndali në dy gjuajtje të njëpasnjëshme.
Pas këtyre rasteve i erdhi radha Alban Hoxhës të mbajë në lojë skuadrën e Partizanit deri në momentin kur Quintana shënoi golin e dytë për skuadrën azere duke vulosur fitoren 2-0 të saj.
Partizani, gjithsesi do të vijojë rrugëtimin e tij në Evropë në raundin e dytë kualifikues të Europa League ku përballë do të ketë Sheriffin e Tiraspolit ku luan edhe ish futbollisti i Skënderbeut, Liridon Latifi
Top Channel
