Kandidati prorus prin në zgjedhjet presidenciale në Rumani 25/11 08:36
Parlamenti i Portugalisë miratoi të martën projekt-buxhetin e qeverisë socialiste për vitin 2019, duke vendosur si synim për të eliminuar deficitin mes rritjes së projektuar të shëndoshë ekonomike dhe më shumë të ardhura për familjet.
Portugalia, e cila doli vetëm në vitin 2014 nga një krizë e borxheve, ka arritur të kombinojë disiplinën fiskale me politikat për të mbështetur rritjen e fortë ekonomike nën administratën e qendrës së majtë, ndërkohë që ka hequr dorë nga shumë masa jo të favorshme të kursimit gjatë një programi të daljes nga kriza.
Shembulli i saj, i lavdëruar shpesh nga Brukseli, është në kontrast të thellë me planet e Italisë për të zgjeruar deficitin buxhetor në 2019.
“Ky është një buxhet që do të ndihmojë në përforcimin e besimit dhe kjo është e mundur në sajë të stabilitetit politik të mbajtur gjatë këtyre tre viteve,” u tha gazetarëve kryeministri Antonio Costa, duke iu referuar aleancës së partisë së tij në parlament me dy parti të majta, Partia Komuniste dhe Blloku i Majtë, votat e të cilit ishin vendimtare për të kaluar projektligjin.
Socialdemokratët e qendrës së djathtë dhe CDS-PP konservatore votuan kundër, duke kritikuar projekt-ligjin si një mashtrim të vitit zgjedhor duke treguar për ngadalësimin e rritjes që siç thonë ata, në fund të fundit do të minonte konsolidimin e buxhetit.
Qeveria parashikon që rritja të mbetet mbi 2 për qind në vit deri në 2022-shin dhe pret të arrijë një suficit buxhetor deri në vitin 2020, i cili duhet të lejojë uljen e ndjeshme të barrës së borxhit të Portugalisë – ende e treta më e madhe e euros.
Top Channel
