Një 32-vjeçare nga Mbretëria e Bashkuar ka ndërruar jetë në Jalë të Himarës, pasi shfaqi probleme shëndetësore teksa ishte e akomoduar në një hotel.
Pavarësisht ndihmës së dhënë në Qendrën Shëndetësore, e reja nuk ka mundur të mbijetojë. Nga verifikimet paraprake dyshohet se vdekja ka ardhur për shkaqe natyrale, ndërsa grupi hetimor vijon punën për përcaktimin e plotë të shkakut.
Jalë, Himarë/Informacion paraprak
Më datë 21.09.2026, rreth orës 18:40, është marrë njoftim se shtetasja I. R., 32 vjeçe, lindur në Londër, Mbretëria e Bashkuar, e cila ishte akomoduar në një hotel në Jalë, kishte shfaqur probleme shëndetësore dhe kishte kërkuar ndihmë te recepsioni i hotelit.
Stafi i hotelit e ka transportuar menjëherë drejt Qendrës Shëndetësore, ku, pavarësisht ndihmës së dhënë, 32-vjeçarja ka ndërruar jetë.
Paraprakisht dyshohet vdekje natyrale, pasi nga verifikimet paraprake të mjekëve rezultoi se kjo shtetase kishte pasur probleme shëndetësore, konkretisht probleme me frymëmarrjen dhe diabetin.
Grupi hetimor, nën drejtimin e Prokurorisë, po kryen veprimet procedurale dhe vijojnë verifikimet për përcaktimin e plotë të shkakut të vdekjes.
Top Channel
