VIDEO/ Arratisja më e dështuar në histori! Të burgosurit hapën një tunel, por në dalje bien mbi 30 policë që po bënin stërvitje 25/04 09:22
Më shumë kandidate sesa kurrë më parë do të garojnë për postet e guvernatorëve dhe vendet në Dhomën e Përfaqësuesve, në zgjedhjet e mesit të mandatit në SHBA.
Pas zgjedhjeve të brendshme në 4 shtete, tani ka 11 të nominuara femra për guvernatore shtetesh dhe të paktën 173 kandidate femra për Dhomën e Përfaqësuesve. Rezultatet konsiderohen si një histori suksesi në vazhdim nga ana e aktivistëve pro femrave në politikë.
Pas mbylljes së zgjedhjeve në 4 shtete, ku u zhvilluan zgjedhjet paraprake të martën, Kansas, Michigan, Missouri dhe Washington, u duk qartë se femrat kishin thyer rekorde për nominimet guvernatoriale dhe ato të Dhomës së Përfaqësuesve.
Rekordi i deritanishëm për numrin e femrave të nominuara për garën e guvernatorëve ishte shënuar në vitin 1994, ndërsa ai për Dhomën e Përfaqësuesve ishte regjistruar në vitin 2016, kur 167 femra hynë në garë.
Pritet të ketë edhe risi të tjera, si për shembull fitorja thuajse e sigurtë e të parës femër myslimane në Kongres. Rashida Tlaib është nominuar nga demokratët dhe nuk do të kundërshtohet nga republikanët në muajin nëntor.
Përveç të tjerash, ajo do të jetë edhe gruaja e parë palestinezo-amerikane, që bëhet pjesë e këtij trupi. Ndërkohë, në një sondazh të realizuar të premten e kaluar është thënë se, demokratët janë përpara republikanëve me 6.1 për qind.
Top Channel
