Pas vendimit të shteteve anëtare të BE-së për hapjen e negociatave me Shqipërinë vitin e ardhshëm, ka reaguar edhe Ambasada Amerikane në Tiranë.
Selia diplomatike amerikane, përgëzon Shqipërinë për marrjen e një afati zyrtar për nisjen e negociatave, vlerëson ecurinë e reformave të bëra deri më tani dhe inkurajon ecjen e mëtejshme të luftës ndaj krimit.
“Përgëzojmë Shqipërinë për vendimin pozitiv në lidhje me hapjen e bisedimeve për anëtarësim në BE. Shqipëria ka bërë përparim domethënës dhe tani nevojitet të rrisë përpjekjet për të përfunduar reformat kyçe. Ne e nxisim Shqipërinë që të rrisë ritmin në reformën në drejtësi, luftën kundër korrupsionit dhe kundër krimit të organizuar”, thuhet në deklaratën e ambasadës amerikane.
Top Channel
