Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Juventusi shkaktoi surprizën në javën e 33-të të Serisë A, duke mos shkuar dot më shumë se një barazim 1-1 në transfertë ndaj Crotones.
Bardhezinjtë kaluan në avantazh të parët me Alex Sandro, por vendasit barazuan me Simy në minutën e 65.
Nga hapi fals i kryesuesve të kampionatit italian përfitoi Napoli. Me fitoren 4-2 ndaj Udineses, skuadra e Sarrit e ul në 4 diferencën me Juventusin, duke hapur çështjen e titullit kampion.
Ndërkohë, Roma dhe Lazio fituan respektivisht ndaj Genoas (2-1) dhe Fiorentinës (3-4). Skuadrat e kryeqytetit rimarrin vendin e tretë dhe të katërt, duke lënë jashtë zonës Champions Interin. Nga lufta për vendin e katërt ka dalë përfundimisht Milani, që nuk arriti të merrte më shumë se 1 pikë në transfertën ndaj Torinos. Kuqezinjtë shënuan me Bonaventurën në pjesën e parë, por torinezët barazuan me De Silvestrin në të dytën.
Në ndeshjet e tjera të Serisë A u regjistruan këto rezultate: Benevento-Atalanta 0-3, Sampdoria-Bologna 1-0, Spal-Chievo 0-0 dhe Verona-Sassuolo 0-1.
Top Channel
