VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Në vigjiljen e një gare të rëndësishme për vijueshmërinë e Botërorit të MotoGP-së, Andrea Dovizioso la të hapur mundësinë e rinovimit të kontratës me skuadrën e tij, Ducati.
Suksesi në premierën e sezonit i ka shtuar kuotat e pilotit italian, që është mes favoritëve edhe në ndalesën e kësaj të diele në Amerikën e Jugut.
“Fitorja në garën e parë të Botërorit ishte shumë e rëndësishme për mua, sidomos për mënyrën sesi e arrita. Por, me pistën në Argjentinë kam një raport të çuditshëm. Gjithsesi, motori ynë është më i mirë sesa vitin e kaluar dhe jemi më konkurrues me të tjerët. Për sa i përket rinovimit, nëse do të më vijë një propozim, do ta vlerësoj”, tha Dovizioso.
Optimist për garën argjentinase e po kaq ambicioz shfaqet edhe spanjolli Marc Marquez.
“Jam krenar për rezultatin në Katar, pasi vendi i dytë më lumturoi, edhe pse në kthesën e fundit mund të kisha bërë më mirë. Në Argjentinë ndihem i fortë dhe kjo pistë më pëlqen, pasi i përshtatet stilit tim të drejtimit. Vitin e kaluar sulmova shumë që në fillim, por gabova dhe tani synoj podiumin”, tha Marquez.
Top Channel
