Lufta në Rripin e Gazës/ 16 të vdekur nga një sulm ajror izraelit, nis evakuimi i palestinezëve nga zona Rafah! Pritet ofensivë ushtarake 06/05 08:24
Luftimet vazhduan në zonën rebele të Ghoutës Lindore, pranë Damaskut, edhe gjatë “armëpushimit të parë 5-orësh”, të urdhëruar në përditësi nga Rusia, aleati i qeverisë siriane.
Aktivistët thanë se predhat e artilerisë dhe aviacionit sirian vazhduan të binin si shi, ndërsa Rusia u përpoq të justifikonte dështimin, duke thënë se rebelët kishin bombarduar një korridor humanitar nga i cili duhej të largoheshin civilët.
Si pasojë e dështimit të kësaj ndërprerjeje luftimesh, të ideuar nga Rusia, nuk u bë asnjë dërgim ndihmash nga OKB-ja dhe asnjë evakuim mjekësor.
Thuasje 400 mijë njerëz janë të bllokuar në enklavën e Ghoutës Lindore, e cila është e rrethuar nga forcat qeveritare që prej vitit 2013.
Mjekët në zonë thonë se, mbi 500 njerëz janë vrarë gjatë 9 ditëve të fundit, që kur qeveria siriane intensifikoi bombardimet në përpjekje për të marrë kontrollin e zonës rebele.
Pasi ndërprerja e së martës përfundoi zyrtarisht, “helmetat e bardha”, një grup vullnetarësh që funksionojnë si ekip shpëtimi, thanë se pati dhjetëra viktima civile.
Reporterë nga zona në shënjestër thanë se evakuimi i supozuar i civilëve është një përrallë, sepse askush nuk guxon të dalë jashtë, pasi, edhe nëse iu shpëton bombave, nuk iu shpëton dot snajperëve të qeverisë në postblloqe.
Kjo u konfirmua edhe nga zyrtarë të OKB-së, që thanë se situata në terren nuk lejon asnjë lëvizje dhe se luftimet vazhduan pa u ndalur, pavarësisht ndërprerjes së luftimeve të urdhëruar nga Moska.
Top Channel
