I nxehti ekstrem godet Francën, humb jetën një person që po merrte pjesë në një garë vrapimi në Paris, 10 garues të tjerë përfundojnë në spital 25/05 11:17
Barnaby Joyce thotë se do të dorëhiqet nga posti i zëvendëskryeministrit të Australisë, pas një sage që e dëmtoi rëndë politikisht, që nisi me një marrëdhënie jashtëmartesore të tij me një ish-pjesëtare të stafit.
Joyce tha se do të paraqesë të hënën letrën e dorëheqjes si udhëheqës i partisë “Nationals”, partnere e koalicionit qeveritar. Më herët, ai u kishte rezistuar kërkesave për të dhënë dorëheqjen, pavarësisht aludimeve dhe zërave për sjelljen e tij.
Skandali ka dominuar politikën australiane prej më shumë se dy javësh. Kryeministri australian, Malcolm Turnbull, e falënderoi në një deklaratë Joycen për shërbimet e tij.
Zërat mbi aferën e Joyce nisën pasi ai dhe Vikki Campion, ish-këshilltare për mediet, u fotografuan së bashku në një lokal në Sydney në shkurt të vitit 2017. Në prill, ish-bashkëshortja e tij, Natalie, raportohet se ishte përballur me Campion në lidhje me zërat.
Muajt në vijim, Joyce përshkruhej nga kolegët e tij të partisë si totalisht i çorientuar. Për të parën herë, ai e pranoi aferën me Campion më herët këtë muaj, por fillimisht ai refuzoi të dorëhiqej, duke këmbëngulur se çështjet private mbeten private.
Top Channel
