Formula 1 humbet “të bukurat”
31/01/2018 15:37
Formula 1/ “Tërhiqem në fund të sezonit”, katër herë kampioni i botës merr vendimin final 28/07 13:46
E trishtë, por nuk do të ketë më as minifunde, as taka të larta dhe as dekoltera të ekzagjeruara. Formula 1 u ka thënë “mjaft” vajzave bukuroshe me çadra që zbresin në pistë përpara fillimit të garave.
Duke nisur nga Botërori i këtij viti nuk do të shohim më bukuritë femërore që shoqërojnë njëvendëshet e secilit pilot në pistë.
Nën drejtimin e pronarëve të rinj të “Liberty Media”, Formula 1 ndryshon edhe një zakon të vjetër, sipas të cilit koha që kalohej nga skuadrat dhe pilotët në vijën e rreshtimit përpara një gare shfrytëzohej si një moment festimi, rast në të cilin të ftuarit artistë i bashkoheshin spektaklit të botës së automobilizmit, për promovuesit apo partnerët e eventit, për të treguar vendet apo produktet e tyre.
Sean Bratches, drejtori menaxherial i operacioneve tregtare në F1 shpjegon në këtë mënyrën vendimmarrjen.
“Vitin e fundit ekzaminuam një seri sektorësh që i konsideronim të nevojshme për t’u përmirësuar, për të qenë më në sintoni me vizionin tonë për këtë sport”, tha ai. “Praktika e shfrytëzimit të femrave në vijën e nisjes ishte një lloj “fortese” për dekada, por e vlerësuam jo në sintoni me vlerat e markës sonë dhe në kontrast të thellë me normat e shoqërisë moderne”.
Top Channel
