“Po thirreni për t’u përballur me kërcënime si kurrë më parë”, Biden paralajmëron kadetët ushtarakë 25/05 22:09
Një nga oficerët më të lartë të ushtrisë britanike paralajmëroi për një kërcënim të ri që Rusia paraqet ndaj kavove të komunikimit dhe internetit që shtrihen në fundin e deteve.
Marshalli i ajrit Sir Stuart Peach, shefi i stafit të Mbrojtjes, tha se Britania dhe NATO duhet të bëjnë prioritet mbrojtjen e linjave të komunikimit.
Sipas tij, nëse këto linja ndërpriten apo dëmtohen, goditja ndaj ekonomisë do të ishte e menjëhershme dhe mbase katastrofike.
Kavot nënujore të komunikimeve dhe internetit i bien kryq e tërthor fundit të oqeaneve dhe deteve duke lidhur vendet dhe kontinentet. Sipas Sir Stuart cenueshmëria e linjave nënujore paraqet një rrezik të ri për mënyrën e jetesës.
“Mbrojtja e linjave nënujore duhet të jetë një prioritet dhe duhet të kuptojmë se kjo është shumë e rëndësishme për NATO-n. Rusia veç modernizimit të anijeve dhe nëndetëseve, vazhdon të perfeksionojë edhe luftën informative”, deklaroi Sir Stuart.
Ditë më parë, disa deputetë në Londër paralajmëruan se një sulm i suksesshëm ndaj rrjetit nënujor britanik të komunikimeve do t’i jepte një goditje dërrmuese dhe paralizuese ekonomisë dhe sigurisë së vendit.
Top Channel
