VIDEO/ Tronditëse, babai detyron 6-vjeçarin të vrapojë “drejt vdekjes”, i mituri rrëzohet disa herë në palestër dhe… 02/05 21:59
Të paktën 6.700 myslimanë të komunitetit “Rohingya” janë vrarë brenda një muaji, pas shpërthimit të dhunës në Mianmar gjatë muajit gusht.
Shifra e përcjellë nga “Mjekët pa kufij”, mbështetur në dëshmitë e refugjatëve në Bangladesh, është ndjeshëm më e lartë sesa bilanci zyrtar i 400 jetëve të humbura.
Për organizatën e njohur ndërkombëtare nuk ka tregues më të qartë sesa ky, sa i takon nivelit të shtrirjes së dhunës së autoriteteve të Mianmarit. Mes viktimave të qëlluara me armë zjarri, të djegura apo rrahura për vdekje, numërohen edhe 730 fëmijë të vegjël.
Ushtria e Mianmarit fajëson terroristët për dhunën dhe mohon të ketë pasur ndonjë gabim nga ana e saj. Por “Mjekët pa kufij” ndajnë tjetër mendim për situatën.
“Numri i vdekjeve ka shumë mundësi të jetë nënvlerësuar”, thotë njëri prej drejtuesve të agjencisë humanitare, doktor Sidney Wong.
“Edhe ne vet, – shton ai, – me gjithë dëshmitë që kemi mbledhur, sërish nuk kemi mundur t’i mbulojmë të gjitha kampet e refugjatëve në Bangladesh dhe raportimet nuk përfshijnë rrëfimin e familjeve që nuk arritën kurrë të dalin nga Mianmari”.
“Jemi të bindur se bilanci i rohingyave të vrarë nga 25 gushti deri më 24 shtator është 9.000 vetë, – vazhdon Wong, – e nga këto vdekje, të paktën 6.700 janë pasojë e dhunës”.
Në këtë pikë ka nisur të shtrohet pyetja nëse ky do të ishte një rast për t’u shqyrtuar nga Gjykata Ndërkombëtare Penale, e cila duhet të shohë nëse në Mianmar janë kryer krime kundër njerëzimit.
Top Channel
