![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Dy lëkundje sizmike janë regjistruar një ditë më parë në Korenë e Veriut, të cilat besohet se kanë lidhje me testin bërthamor të zhvilluar në fillim të muajit shtator, ka bërë të ditur një zyrtar amerikan i Institutit Gjeologjik.
Epiqendra e tërmeteve 2.9 dhe 2.4 ballë ishte në vendin ku Koreja e Veriut zhvilloi testin e saj më të madh bërthamor më 3 shtator.
Zyrtari ka thënë se lëkundjet e tokës kanë të bëjnë me zhvendosjen e kores së tokës në zonën ku është kryer testi i fundit bërthamor. “Pas testit bërthamor, korja e tokës kërkon kohë të tërhiqet plotësisht në pozicionin e saj të parë”.
Testit bërthamor i shtatorit, sipas ekspertëve, ishte 10 herë më i fuqishëm se sa bomba atomike amerikane, e cila u hodh në Hiroshima më 1945.
Top Channel