Hezbollahu sulmon Izraelin me 250 raketa dhe predha! 24/11 20:21
Bisedimet e OKB-së mbi klimën në Bonn të Gjermanisë shënuan disa hapa të vegjël, por domethënës përpara.
Pyetjet e mëdha mbi reduktimin e emetimeve të gazit karbonik vazhdojnë të mbeten pa përgjigje, por takimi arriti progres në raport me çështjet teknike e delegatët ishin të kënaqur që rregullat e “Marrëveshjes së Parisit” më në fund po marrin formë edhe në praktikë.
Ajo çfarë evidentoi konferenca botërore e klimës është se qymyri po shndërrohet gradualisht në njërin prej problemeve më të mëdha, e sidomos në Gjermaninë e konsideruar si model në drejtim të mjedisit.
Në këtë temë, grupet ekologjike e vunë gishtin në plagë. Asnjëherë tjetër nuk është folur kaq shumë për energjinë e qymyrit në një takim të këtij lloji, sesa në Bonn. Kjo lloj energjie vazhdon të përdoret në Kinë, në Indi, në SHBA, e pavarësisht të gjitha përpjekjeve për të avancuar me energjitë e rinovueshme, nga qymyri nuk ka hequr dorë as Gjermania, që si vendi organizator i konferencës sivjet u përball edhe me pyetje të pakëndshme.
Kompanitë amerikane bërthamore dhe të qymyrgurit organizuan një prezantim, ku argumentonin se lëndët djegëse fosile duhet të jenë një pjesë e rëndësishme e zgjidhjes së problemit të temperaturave në rritje.
“Përdorimi i fjalës optimizëm pas kësaj konference do të ishte i tepruar, – thonë korrespondentët e huaj, – por Bonni i avashtë përcolli si padashur mesazhin e thjeshtë se çfarë mund të arrihet, nëse politikanët mund t’i shohin më shpejt nga sa pritet përfitimet e një bote që zhvendoset drejt teknologjisë së pastër.
Top Channel
