Bussines Insider vlerëson Beratin: Një destinacion europian
28/05/2015 00:00
Parashikimi i frikshëm i Baba Vangës pas rritjes së tensioneve në Lindjen e Mesme: Lufta e Tretë Botërore do të nisë në…. 18/04 14:08
“Një nga 16 destinacionet turistike më të nënvlerësuara, por njëkohësisht edhe më tërheqëse të Europës në vitin 2015”.
Kështu e cilëson Bussines Insider, një nga revistat online më të mëdha në botë për ekonominë dhe financat, qytetin e Beratit.
Dikur në kufij të Perandorisë Bizantine, qyteti i Beratit ka një kala dhe një kishë bizantine, e cila daton në shekullin e 13-të, – shkruan revista, duke e ilustruar vlerësimin me foton nga qyteti 2 mijë e 500 vjeçar.
Qyteti i vjetër- vijon revista – është pjesë e listës së UNESCO-s për trashëgiminë botërore, një arsye më tepër që e bën destinacion të jashtëzakonshëm turistik.
Me mbi 210 objekte muzeale, 60 prej të cilave të shpallura si monumente të kategorisë së parë, Berati konsiderohet si një nga qytetet me trashëgiminë më të pasur kulturore, jo vetëm në Shqipëri, por edhe në rajon.
Ndërkohë së bashku me qytetin muze të Shqipërisë, revista ka renditur në listë dhe 15 vende të tjera tursitike, që sipas saj, nuk duhen lënë pa u vizituar. Mes tyre ishujt Azore në Portugali, qytetin Bakark në Gjermani, alpet juliane të Sllovenisë dhe atraksione të tjera nga Suedia apo Rusia.
Top Channel
