Ushqimet që të thyejnë dhëmbët

11/12/2013 00:00

Një skulptor kinez ka vendosur rekord të ri botëror duke shtruar një banket me 143 pjata në dukje shumë të shijshme, por që në të vërtetë i ka realizuar duke gdhendur gurë.

Sun Zhaoyong ka shpenzuar rreth 20 vite duke bërë një punë të tillë “kulinare”, ku bien në sy pjata me peshq dhe ajo me perime të ndryshme.

Për punën e tij jashtëzakonisht të vështirë (gjithçka është bërë me dorë), artistit i është dorëzuar një certifikatë nga një kompani rekordesh në Shangai.

Sun ka përdorur vetëm gurë me ngjyra natyrale që i ka gjetur në fshatin Shoushan. Gurë të tillë kanë filluar të gdhenden nga kinezët 1000 vjet më parë dhe me to janë bërë edhe stemat e perandorëve kinezë.

Mendohet se këto gurë janë formuar nga lëvizja tektonike para më shumë se 100 milionë vitesh dhe gjenden vetëm në fshatin Shoushan. Marrja e tyre është shumë e vështirë dhe kjo i jep një vlerë të madhe atyre.

Top Channel