Rousef anulon vizitën në SHBA

Rousef do të zbriste në Uashington më 23 tetor dhe do të ishte presidentja e parë braziliane që vizitonte Shtetet e Bashkuara që nga viti 1995.

“Në mungesë të një hetimi serioz dhe të një sqarimi serioz mbi cështjen e përgjimeve, është e pamundur që të vazhdohet me vizitën ashtu sic ishte planifikuar”, thuhet në një deklaratë të shpërndarë nga mediat nga ana e presidentes së Brazilit.

Raportimet e mediave braziliane flasin për akses të agjencisë amerikane të sigurisë (NSA) në të gjitha faqet e internetit të presidentes Rousef. Sipas tyre, përvec kësaj është përgjuar edhe aktiviteti dhe gjithë procesi i kalimit të një fushë naftë-mbajtëse pranë Rio-s drejt një kompanie private.

Autoritetet braziliane thanë se nëse këto janë të vërtetë, atëherë kemi të bëjme më një “spiunazh industrial”.

Uashingtoni ka mirëpritur vendimin e presidentes së Brazilit. Në një deklaratë, zëdhënësi i presidentit Obama, Jay Carney tha se vendimi për të shtyrë vizitën për një kohë të pacaktuar ishte një vendim i përbashkët mes presidentes Rousef dhe presidentit Obama që nuk dëshiron që marrëdhëniet mes dy vendeve të cënohen nga mosmarrëveshje të castit.

Top Channel