Cristiano Ronaldo ka hedhur poshtë zërat për një largim të mundshëm nga Reali i Madridit me dëshirën e tij për t’u shndërruar në futbollistin golashënues më të mirë në historinë e skuadrës madrilene.
Në një intervistë për mediat spanjolle, asi portugez tha se shpreson që të qendrojë gjatë tek Reali dhe se misioni i tij ishte marrja e kreut të golashënuesve në historinë e kësaj skuadre, kryesim që mbahet nga Raul.
Me golin e shënuar ndaj Seviljas, Ronaldo u ngjit në kuotën e 183 golave në të gjitha kompeticionet me fanelën e bardhë duke lënë pas vendin e tretë Genton. Tashmë objektivi është marrja e vendit të dytë dhe zbritja prej këtij froni të legjendës Di Stefano që ka plot 308 gola, ndërsa vendi i parë mbahet nga Raul me 323 gola.
Deklarata e portugezit ka hedhur poshtë zërat për largimin e mundshëm të tij në fund të këtij sezoni së bashku me trajnerin Mourinho. Destinacionet e përzgjedhura, të paktën nga mediat sportive, është PSG ose Manchester City, dy skuadrat e sheikëve ndoshtat të vetmet që mund të shpenzojnë shumat marramendëse që kërkon Reali për prishjen e kontratës me Ronaldon.
Top Channel
