Capello firmos kontratën
19/07/2012 00:00
Dëmtimi i Bruno Fernandes, Amorim: E pamundur që të zëvendësohet… 24/12 22:16
Fabio Capello firmosi më në fund kontratën me Federatën Ruse të
Futbollit. Tekniku italian që zëvendësoi Dik Advokat në këtë post, do të
paguhet me një pagë prej 6 milionë euro në sezon dhe detyra e tij është
që të kualifikojë skuadrën ruse në botërorin e vitit 2014 që do të
zhvillohet në Brazil.
Megjithatë, ministri rus i Sporteve, pavarësisht vlerësimit që ka për trajnerin italian, deklaroi se preferonte që në pankinën e kombëtares të ishte një tjetër trajner.
‘Fabio Capello i ka të gjitha cilësitë për të drejtuar përfaqësuesen ruse-tha Mutko-por unë personalisht dëshiroja që trajner të ishte Zhoze Murinjo’.
Rusia ndodhet në Grupin F të eliminatoreve për Botërorin e vitit 2014 së bashku me Portugalinë, Irlandën e Veriut, Irzraelin, Azerbajxhanin dhe Luksemburgun. Ndeshjen e parë në këtë fazë skuadra ruse do ta luajë në 7 shtator me Irlandën e Veriut.
Top Channel
