Gabimet në derbi i kushtojnë vendin, Ortiz Arias pritet të dënohet me të paktën 2 ndeshje 21/09 18:30
Skema e ngjyrave
Madhësia e shkrimit
Cristian Romero ka bërë një deklaratë të fortë për Lionel Messin, duke thënë se ylli argjentinas duhet të fitojë “Topin e Artë” çdo vit deri në momentin që do t’i japë fund karrierës.
Mbrojtësi argjentinas, i cili së fundmi u largua nga Tottenham për t’iu bashkuar Atletico Madridit, ka luajtur përkrah Messit me kombëtaren e Argjentinës prej disa vitesh.
Romero e konsideron kapitenin e tij një prej futbollistëve më të mëdhenj në historinë e këtij sporti dhe, sipas tij, çmimi individual më prestigjioz duhet të përfundojë gjithmonë në duart e Messit.
“Topi i Artë duhet t’i jepet Leo Messit. Deri sa të tërhiqet, kjo është e qartë. Nuk ka askënd si ai. Kur të vendosë të mos luajë më, atëherë do të duhet të shohim se kujt t’ia japim”, deklaroi Romero për ESPN.
Messi, tashmë 39 vjeç, vazhdon të jetë protagonist me Inter Miamin. Sipas statistikave të raportuara, argjentinasi ka realizuar 24 gola dhe 14 asistime në 28 ndeshje këtë sezon, duke regjistruar 38 kontribute direkte në gola.
Në Botërorin e këtij viti, Messi shënoi tetë gola dhe dha katër asistime me Argjentinën.
Kombëtarja argjentinase, kampione e botës në vitin 2022, arriti sërish deri në finale, por këtë herë u mposht 1-0 nga Spanja.
Cristian Romero ndërkohë ka nisur një aventurë të re në karrierë. Mbrojtësi përfundoi së fundmi transferimin nga Tottenham te Atletico Madrid, në një operacion me vlerë rreth 34.2 milionë paund.
Deri tani, Romero ka zhvilluar pesë paraqitje me klubin spanjoll.
Pavarësisht ndryshimit të skuadrës, lidhja e tij me Messin dhe kombëtaren argjentinase mbetet e fortë, ndërsa deklarata e fundit tregon edhe një herë vlerësimin e madh që mbrojtësi ka për kapitenin e tij.
Top Channel
