Kroaci, shkatërrohet rrjeti kriminal ballkanas
13/07/2012 00:00
Zgjedhjet e parakohshme në Kosovë, ja kush janë më të votuarit për deputetë deri më tani 31/12 10:01
Policia kroate ka shkatërruar një rrjet ndërkombëtar të trafikut të qënieve njerëzore drejt vendeve të Bashkimit Evropian.
Lajmin e bën të ditur agjencia “INA”, sipas të cilës agjentët e anti-krimit të organizuar kanë vënë në pranga 21 persona, 6 prej të cilëve kroatë, 8 shqiptarë, 3 boshnjakë dhe 2 nga Sllovenia e Turqia.
Sipas burimeve, në këmbim të tarifave që varionin nga 700 në 1.200 euro, trafikantët çonin në vendet perëndimore emigrantë nga Ballkani dhe Turqia.
Nga hetimet ka rezultuar se grupi kriminal i organizuar, në 30 raste të ndryshme, kishte dërguar rreth 100 klandestinë në vendet e BE-së, përmes një itinerari të njohur si “Rruga e Ballkanit”.
Burimi mediatik shton më tej se operacioni policor, i koduar me emrin “Loca”, u organizua në bashkëpunim me strukturat policore të vendeve evropiane.
Top Channel
Zgjedhjet e parakohshme në Kosovë, ja kush janë më të votuarit për deputetë deri më tani 
