Siri, zhduken dy gazetarë turq

Adem Ozkose nje reporter për gazetën “Milat” dhe korrespondent  i Lindjes së Mesme për revistën “Gercek Hayat”, ishte duke punuar për të dyja botimet në Siri, tha gazeta në një deklaratë.

Ai dhe kameramani i pavarur Hamit Çoskun u dëgjuan për herë të fundit të shtunën, tha Turgut Alp Boyraz, një anëtar i bordit të gazetës. “Të dy, të cilët shkuan në Siri rreth 11 ditë më parë, njoftuan gazetën të shtunën se kishin arritur në Idlib në veri të Sirisë”, thotë gazeta.

“Të afërmit e tyre nuk kanë dëgjuar më prej tyre”, tha Boyraz. “Të gjithë ne, jemi të shqetësuar për ta”.

Ministria e Jashtme e Turqisë tha menjëherë se janë udhëzuar zyrat e saj për të kontaktuar autoritetet siriane “për të kërkuar zyrtarisht në lidhje me vendndodhjen apo çdo lloj informacioni që ata mund të kenë lidhje me dy gazetarët”, tha zëdhënësi Selcuk Ünal.

“Ne jemi në kontakt me të revistën dhe familjarët. Deri tani, autoritetet siriane në Damask nuk kanë qenë në gjendje për të konfirmuar asgjë”, tha ai.

Sipas tij Konsullata e Përgjithshme e Turqisë kontaktoi zyrën e guvernatorit në Aleppo por nuk ka asnjë të dhënë konkrete.

Top Channel