Obama, veto planit të republikanëve
27/07/2011 18:45
VIDEO/ Tronditëse, babai detyron 6-vjeçarin të vrapojë “drejt vdekjes”, i mituri rrëzohet disa herë në palestër dhe… 02/05 21:59
Shtëpia e Bardhë ka paralajmëruar se presidenti Barack Obama mund të vendosë veton ndaj planit për kufirin e borxhit të propozuar nga Dhoma e Republikanëve.
Ndërkohë, plani i John Boehner për të shkurtuar shpenzimet publike dhe për të ngritur kufirin është përplasur me rezistencën e rangjeve të larta të partisë së tij.
Votimi i planit në Dhomën e Përfaqësuesve u shty për një ditë tjetër pas ngritjes së dyshimeve mbi shkurtimet e propozuara.
Shtetet e Bashkuara kanë një deficit buxhetor që këtë vit ka arritur në 1.5 trilionë dollarë dhe ka grumbulluar një borxh kombëtar prej 14.3 trilionësh.
Kompetenca e qeverisë për të marrë para hua është bërë e pavlefshme dhe SHBA rrezikojnë një “default” të borxhit nëse Kongresi dhe Shtëpia e Bardhë nuk bien dakord mbi një plan brenda së martës së ardhshme.
Kufiri i borxhit është rritur me dhjetra herë në dekadat e fundit, por këtë vit republikanët refuzojnë nëse kjo rritje nuk shoqërohet me shkurtimin e shpenzimeve.
Top Channel
