Torres 1, Papa 0
07/11/2010 14:10
“Më vjen shumë inat që kam rënë pre e ligësisë”, Sara dhe Françeska përballen sërish në “Post Big Brother”: Moralistja e madhe ti 01/06 22:12
Anton McManus, një djalë i vogël i cili vuan nga kanceri dhe që ka pasur fatin të takojë Papën, ka treguar se takimi me yllin e futbollit, Fernando Torres, ka qenë më emocionues për të.
9-vjeçari nga Skocia ka qenë tepër i lumtur kur në shtator ka pasur mundësinë të takojë personalisht Papa Benediktin e XVI në “Bellahouston Park” (Gllasgou), por mendon se takimi me futbollistin spanjoll të Liverpool-it, fundjavën e kaluar, ishte edhe më shumë emocionues.
Babai i djaloshit, Kevin, tregon se Anton i pati shkruar Papës një letër ku i kërkonte ndihmë për të mposhtur sëmundjen dhe ishte shumë i lumtur që pati shansin ta takonte liderin e Kishës.
Por, sipas babait të tij, ky moment u eklipsua nga takimi me Fernando Torres: “Kur e pyeta se kush nga takimet e emocionoi më shumë, ai mu përgjigj ‘Takimi me Torres’”.
“Ishte shumë i lumtur kur Torres iu afrua. Më pas takoi edhe futbollistë të tjerë të Liverpool, si Gerrard dhe Carragher. Kishte një buzëqeshje të stampuar në fytyrë, ishte shumë i gëzuar”, shprehet Kevin, babai i djalit.
Top Channel
