Ky ari polar gëzohet shumë kur njerëzit “i bëjnë vizitë” në shtëpinë e tij të ftohtë dhe gjithmonë ngrihet për t’i përshëndetur.
Hans Strand, një fotograf nga Suedia, arriti ta fotografonte kur po udhëtonte në Arktik dhe ariu doli për të përshëndetur ekuipazhin e anijes.
“Isha në anije kur befas pashë një kokë ariu 15 metra larg. Të gjithë sa ishin u afruan për ta parë më mirë ariun. Dukej sikur sa ishte zgjuar nga gjumi, por po i pëlqente vëmendja që po i ofrohej”, tregon Hansi.
“Na përshëndeti me dorë dy herë dhe të gjithë filluan të qeshnin. Mora aparatin fotografik duke shpresuar të na përshëndeste përsëri që ta fotografoja dhe fatmirësisht e bëri. Asnjëherë s’ kisha parë një gjë të tillë”, përfundon fotografi suedez.
Top Channel
