Talebanët: Do sulmojmë qendrat e votimit
16/09/2010 14:55
Guerrilasit talebanë kanë kërcënuar se do të kryejnë sulme kundër forcave të sigurisë dhe personelit të qendrave të votimit të shtunën.
Deklarata është bërë nga një zëdhënës i rebelëve për agjencinë e lajmeve “France Presse”.
“Të gjitha rrugët që të cojnë tek qendrat e votimit do të sulmohen. Po ashtu edhe forcat e sigurisë dhe ata që merren me organizimin e procesit do të jenë objektiva parësorë”, ka deklaruar zëdhënësi.
Ditën e shtunë, mbi 10.5 milionë afganë janë thirrur për të zgjedhur 249 deputetët e Asamblesë Kombëtare.
Më herët, talebanët i bënë thirrje votuesve që të bojkotojnë zgjedhjet dhe të bashkohen me xhihadin dhe rezistencën kundër pushtuesve të huaj.
Top Channel