Policia qëllon ndaj makinës së një gruaje që vodhi pampersa, vritet foshnja 1-vjeçare në SHBA

Nga të shtënat mbeti i vrarë Cohen Wiley, vetëm 1 vjeç, i cili ndodhej në krahët e nënës së tij.

Ngjarja ndodhi më 14 qershor në qytetin Senatobia, pranë Memfisit, pasi policia mori një telefonatë për një vjedhje të dyshuar. Në automjet ndodheshin Velesiya Wiley, nëna e foshnjës, dhe shoqja e saj, Latoya Ferrell.

Pamjet e publikuara tregojnë oficerët e policisë duke rrethuar makinën dhe duke u bërë thirrje dy grave të ndalonin. Më pas, shoferja tenton të kryejë një manovër në drejtim të efektivëve, çka çoi në hapjen e zjarrit nga ana e tyre. Një prej plumbave goditi foshnjën, duke i shkaktuar vdekjen.

🚨BREAKING: Newly surfaced bodycam footage from the June 14, 2026, Senatobia Walmart parking lot incident captures the exact moments leading up to the fatal shooting of 1 year old Kohen Wiley.

Police claimed the vehicle drove toward officers, but the family and attorney Ben Crump heavily dispute this…

October 19, 2026, Mississippi Attorney General Lynn Fitch closed the investigation, ruling the officer’s use of force "justified" and declining criminal charges due to insufficient evidence.

#KohenWiley
#SenatobiaPolice
#MississippiAG

🎥DarkHorsePress

— Amy Leigh (@IAmyLeigh) October 21, 2026

Sipas dokumenteve të policisë, Wiley e kishte marrë foshnjën në krahë për të treguar se në automjet ndodhej një fëmijë. Në raportet zyrtare përmendet edhe oficeri Hunter Foster, i cili qëlloi drejt makinës, duke vrarë 1-vjeçarin Cohen Wiley dhe duke plagosur Ferrell.

Byroja e Hetimeve e Misisipit, e cila hetoi ngjarjen, deklaroi se shoferja u drejtua me automjetin nga oficerët, duke rrezikuar të përplaste njërin prej tyre.

Ndërkohë, zyra e Prokurores së Përgjithshme të Misisipit, Lynn Fitch, njoftoi se të shtënat ishin të justifikuara.

Megjithatë, avokati i të drejtave civile Ben Crump, i cili përfaqëson familjen e viktimës, publikoi rezultatet e një autopsie të pavarur. Sipas saj, foshnja ishte qëlluar nga ana e automjetit dhe jo nga pjesa e përparme, duke ngritur pikëpyetje mbi rrethanat e të shtënave.

Top Channel