Konfliktet e vazhdueshme dhe rreziqet e mundshme nga ushtrimi i aktivitetit minerar në zonën e Bulqizës kanë bërë që Ministria e Ekonomisë të pezulloj 7 leje minerare në këtë zonë.
Përveç pezullimit të këtyre lejeve ministri i Ekonomisë, Dritan Prifti ka firmosur dhe reduktimin e sipërfaqes së shfrytëzimit për 5 leje të tjera, sipërfaqja e të cilave mbivendosej me zona të rrezikshme të krijuara gjatë shfrytëzimit minerar të këtyre viteve të fundit.
Grupi task-force i ngritur për kontrollin e aktivitetit minerar të kompanive private në këtë zonë po vazhdon inspektimet me qëllim shmangien e konflikteve mes kompanive dhe banorëve të zonës si dhe për të mos lejuar gërmimet në zona të rrezikshme.
Ministria e Ekonomisë ka përgatitur për këtë edhe një projekt vendim që përcakton koordinatat e zonave të rrezikshme duke ndaluar rreptësisht aktivitet minerar në këto sipërfaqe.
Top Channel
