Numri 1 i trupave amerikane në Afganistan është thirrur në Uashington lidhur me artikullin e publikuar në një revistë, ku kritikonte zyrtarë të administratës së presidentit Obama dhe disa diplomatë.
Gjenerali Stanley McChrystal ka kërkuar ndjesë për artikullin e botuar në “Rolling Stone”, ku shprehej se ndihej i tradhtuar nga ambasadori amerikan në Kabul, Karl Eikenberry.
Gjithashtu, artikulli i gjeneralit përmban tallje ndaj zëvendëspresidentit Joe Biden, si dhe shprehte zhgënjimin e tij nga presidenti Barack Obama.
Ndërkohë, admirali Mike Mullen i ka telefonuar McChrystal për të shprehur zhgënjimin e tij nga përmbajtja e artikullit.
Nga ana e tij, gjenerali kërkoi falje për shkrimin dhe e cilësoi atë si me mungesë integriteti.
Top Channel