SHBA: Sanksione të reja ndaj Iranit
16/06/2010 21:15
Qeveria amerikane ka njoftuar se do të vendosë sanksione të reja ndaj Iranit për shkak të programit të tij bërthamor.
Lajmin e kanë bërë të ditur burime pranë administratës Obama, sipas të cilave sanksionet do të prekin “individë dhe institucione”.
Javën e kaluar Këshilli i Sigurimit të OKB-së miratoi me shumicë votash aplikimin e sanksioneve të reja ndaj Teheranit, për shkak të procesit të pasurimit të uraniumit.
Por nga ana e tij, presidenti iranian Mahmoud Ahmadinejad reagoi duke deklaruar se procesi në fjalë nuk do të ndalet dhe i cilësoi sanksionet si “mbeturina”.
Top Channel