Zevendespresidenti amerikan, Joe Biden, mendon se ky eshte nje moment mundesish reale per paqen ne Lindjes e Mesme. Numri dy i administrates amerikane ndodhet per nje vizite ne rajon ne kuadrin e nje nisme te re per riaktivizimin e procesit te paqes.
Izraeli dhe Autoriteti Palestinez kane rene dakord per fillimin e bisedimeve jo te drejtperdrejta. Nje tregues se sa poshte kane rene shpresat eshte edhe fakti se administrata amerikane pritet qe ta quaje sukses rifillimin e bisedimeve jo te drejtperdrejta mes Izraelit dhe palestinezeve.
Mes paleve nuk ka patur negociata qe prej me shume se nje viti. Ato kane akuzuar njera-tjetren per mungese integriteti dhe mosangazhim ne procesin e paqes.
Pak para mberritjes se zotit Biden, qeveria izraelite autorizoi fillimin e ndertimit te mbi 100 shtepive te reja per hebrenjte ne Bregun e pushtuar Perendimor.
Palestinezet thone se nuk do te zhvillojne bisedime te drejtperdrejta me Izraelin, derisa ai te nderprese te gjitha ndertimet ne vendbanimet hebraike ne Bregun Perendimor dhe Jeruzalemin Lindor. Nese kontaktet mes paleve rifillojne, bisedimet do te ndermjetesohen nga i derguari i posaçem amerikan ne rajon, George Mitchell.
Top Channel