Propozimi i animalistit: T’i leme pandat te zhduken

25/09/2009 17:20

Animalisti dhe drejtuesi i emisioneve ne Britanine e Madhe, Chris Packham leshon nje deklarate bombe duke thene se pandat duhet lene qe te zhduken, pasi kane kosto te madhe jetese.

Ne nje interviste dhene per “Radio Times”, Packman nuk ka qene aspak i kujdesshem ne diskutimin per kafshet e bardha qe jane edhe simboli i WWF-se. “Parate e paguara per te ruajtur kete specie mund te menaxhohen me mire. Eshte e padobishme t’i shtyjme te riprodhohen pasi habitati i tyre natyror eshte zhdukur”, shprehet Packman.

Pandat i perkasin familjes se arinjve por dalengadale ato po transformohen nga mishengrenes ne bimengrenes per shkak te konsumimit te madh qe i bejne pemes se bambuse. Kjo specie ha cdo dite rreth 40 kg gjethe. Pandat jane te ngadalta edhe ne ceshtjet e dashurise pasi pjekurine seksuale e arrijne shume vone. Periudha e fertilitetit te nje femre zgjat vetem 2 dite ne vit dhe meqe behet fjale per nje specie te vetmuar, shume rralle kryhet takimi mes sekseve te kunderta.

Gjithashtu, nje pande femer ne tre arrin ta coje deri ne fund shtatezanine. Ato zakonisht lindin 2 ose 3 te vegjel, por mamaja kujdeset vetem per nje prej tyre. Aktualisht ne bote jetojne 1600 panda dhe sipas WWF-se ato jane specie ne zhdukje per shkak te nderhyrjes se dores se njeriut ne habitatin e tyre natyral.

Por Chris Packham ka folur edhe per mbijetesen e tigrave ne planet. “Te mbrosh nje kafshe qe vlen me shume e ngordhur se sa e gjalle eshte shume e veshtire. Nuk besoj se tigrat mund te rezistojne me shume se 15 vjet”, perfundon ai.

 

 

 

Top Channel