Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Manchester United iu dorëzua presionit të agjentëve dhe kombëtares së Brazilit për të firmosur para Botërorit me një sulmues që përmirëson dukshëm cilësinë e repartit sulmues, por rëndon bilancin e skuadrës më të pasur të planetit.
“Djajtë e kuq” arritën akordin me Fred, një futbollist që do t’i kushtojë ekipit të “Old Trafford”-it plot 53 milionë paund.
Sulmuesi, që vjen nga Shakhtar Donetsk ishte në bisedime me Manchester United që prej muajit janar, kur transferimi i tij i pritshëm te City dështoi në mënyrë të bujshme. Trajneri i Brazilit, Tite i kërkoi futbollistit që të mbyllte marrëveshjen para Botërorit, për të mos krijuar shqetësime. Pikërisht kjo ndodhi këtë javë dhe Fred kaloi vizitat mjekësore.
Sulmuesi i “Seleçao”-s fitoi 10 trofe me Shakhtarin që prej vitit 2013, duke përfshirë dhe 3 tituj kampion në Ukrainë. Fred konsiderohet një futbollist titullar për Brazilin, në Botërorin ku do të ndeshet fillimisht me Zvicrën, më pas me Kosta Rikën dhe Serbinë.
Top Channel
