Doli nga laboratori rus, çfarë është murtaja pneumonike që po shqetëson botën 07/10 17:08
Skema e ngjyrave
Madhësia e shkrimit
Kryetari i bashkisë së Saint-Denis, Bali Bagayoko, u sulmua me gaz lotsjellës ndërsa përpiqej të qëndronte si “mburojë” para studentëve dhe nxënësve që protestonin për situatën në shkollat franceze.
Në videon që po bën xhiron e rrjetit, kryetari i bashkisë dëgjohet duke iu drejtuar forcave të policisë duke thënë “ndalo, ndalo”, duke u kërkuar atyre të mos përdorin dhunë ndaj protestuesve.
Protestat u zhvilluan në të gjithë Francën, me mësues, prindër dhe nxënës të shkollave të mesme që dolën në rrugë, me kryeministrin, Sébastien Lecornu, duke folur për protestat më të dhunshme të studentëve në dekada.
Policia përdori gaz lotsjellës dhe autobotë uji në protesta në qytete duke përfshirë Parisin, Strasburgun, Rennes dhe Tuluzën. Marshimet tërhoqën më shumë se 250,000 njerëz në dhjetëra qytete, tha ministria e brendshme, megjithëse organizatorët thanë se morën pjesë 450,000.
Të paktën 215 adoleshentë dhe 85 anëtarë të stafit të shkollës u plagosën në protesta, në të cilat një djalë 15-vjeçar humbi krahun nga një granatë tymuese. Lecornu tha se ishte “goditja më e rëndë që sistemi shkollor ka marrë në dekada”. Zyra e tij tha se më shumë se 700 oficerë policie u plagosën.
Kërkesat e studentëve përqendrohen në mungesën e personelit dhe fondeve.
Top Channel
