Një ngjarje e pazakontë dhe me mjaft tension ka shoqëruar përballjen e Fenerbahçes ndaj Romës në raundin e parë të Ligës së Kampionëve, e cila përfundoi në barazim 1-1.
Menjëherë pas ndeshjes, trajneri i skuadrës turke, Ismail Kartal, shokoi të pranishmit në konferencën për shtyp duke njoftuar dorëheqjen e tij të menjëhershme.
Vendimi drastik i teknikut erdhi si pasojë e një incidenti të rëndë të ndodhur në stadium, ku ai u godit me një shishe të hedhur nga një tifoz. I fyer dhe i shqetësuar nga kjo sjellje, Kartal kërkoi largimin nga stoli i gjigantëve të Stambollit.
Ky lajm i befasoi të gjithë, përfshirë edhe vetë lojtarët. Mbrojtësi 24-vjeçar, Archie Brown, i cili ishte protagonisti i ndeshjes duke shënuar golin e vetëm për Fenerbahçen dhe një nga më të mirët në fushatë, mbeti tërësisht i shtangur gjatë zonës mikse kur gazetarët e informuan për dorëheqjen e trajnerit të tij. Reagimi i tij i habisë u bë shpejt viral në rrjetet sociale.
🚨🏴 This is the moment Fenerbahçe player Archie Brown was told that Ismail Kartal resigned from his position as coach! 🎙️
“What do you mean he resigned? What? As coach? I didn’t know about this.” 😳 pic.twitter.com/Iq8hZO7pDE
— EuroFoot (@eurofootcom) September 10, 2026
Pavarësisht kësaj situate të tensionuar, drejtuesit e klubit kanë ndërhyrë me shpejtësi. Presidenti i Fenerbahçes ka deklaruar se nuk e pranon dorëheqjen e Ismail Kartal, duke konfirmuar se nuk do të ketë asnjë ndryshim në stolin teknik dhe se trajneri gëzon mbështetjen e plotë të drejtuesve.
Top Channel
