Pavarësisht suksesit dhe arritjeve profesionale, ai, Florian Haçkaj, ëndërron që një ditë të kthehet në Shqipëri dhe këto mundësi t’ia ofrojë vendi i tij.
Inside Story hulumtoi programet e dy partive kryesore, Partisë Socialiste dhe Partisë Demokratike, që janë forcat me shanset më të mëdha për të fituar dhe qeverisur vendin. Ky është programi i Partisë Socialiste, që kërkon mandatin e katërt radhazi, publikuar në faqen zyrtare të saj. Siç e shikoni Rinia në programin e partisë Socialiste ka vetëm një paragraf. Ato pak fjali janë mjaft të vakëta dhe të përgjithshme, pa dhënë asnjë ide se cila do të jetë rruga e rinisë deri më 2030.
‘Nga maxhoranca ne vlerësojmë një varfëri të madhe të premtimeve në lidhje me rininë e viteve 2025-2029’ u shpreh Migen Qiraxhi, Qëndresa Qytetare
‘E kuptoj pak a shumë që rinia nuk është më synim i partive politike, sepse ka ikur. Ajo që ne mund të bëjmë në këtë moment është të fillojmë të ndërtojmë një shoqëri, ku rinia, të gjithë kthehen dhe kontribuojnë’ u shpreh aktivistja, Sidorela Vatnikaj.
‘Unë mund të aludoj që shtresa që është më larg saj i ka kushtuar më pak vëmendje dhe ndoshta pse zë kaq pak vend rinia tek program i PS’ u shpreh Migen Qiraxhi, Qëndresa Qytetare.
Top Channel
