Top Story/ “Braçe në zonë të rrezikuar”, Hitaj përplaset me Currin: Në atë zonë fitojnë partitë e reja

03/04/2025 23:07

Risi e listave të kandidatëve për deputetë të zgjedhjeve të 11 majit, ndryshe nga herët e tjera janë emra veteranë të Partisë Socialistë, pjesën më të madhe të të cilëve kryesocialisti Rama i la në fushën e hapur të betejës.

Gjatë diskutimit analistët Arbër Hitaj dhe Arjan Curri debatuan për pozicionin e Erion Braçes në zgjedhjet e 11 majit. Hitaj tha se Braçe është gjetje në njësinë nr.5 sepse është zë i ri në zonë dhe mund ti flasë elektoratit gri ndërsa Curri kundërshtoi dukë thënë se ai nuk është deputet gri sepse ka 8 mandatë në PS dhe nuk njeh fare zonën duke shtuar se gara për të është e pabarabartë sepse ka vetëm 2 muaj në njësi.

Pjesë nga debati

Arbër Hitaj: Nëse shikojmë listën me detaje. Ta fillojmë me Braçen që është caktuar tek njësia nr.5, në raport me njësitë e tjera njësia nr.5 njihet si ajo ku partitë e reja marrin numrin më të madh të votave. Ajo është njësi që ka numrin më të madh të profesionistëve dhe ka një % të lartë të tyre që janë të larguar nga interesat politik. Është njësia e cila ka besuar shumë kandidatët e rinj. Kjo njësi ka shumë elektorat gri dhe Braçe këtu është zë i ri. Mendoj që Braçe ka ato cilësi që i flet elektoratit gri, që është në numër shumë të madh në njësinë nr.5.

Arjan Curri: Po pse Braçe kandidat i ri quhet? Braçe me 8 mandate? Braçe iu flet vetëm fermerëve të Divjakës, këto di, kunguj, shalqi, dele dhe lopë. Na qenka Braçe deputet gri që ka 30 vite socialist si i flitka elektoratit gri ai. Braçe i shkretë është ankuar vetë që është garë e pabarabartë. Nuk e njeh Braçe atë zonë, Braçja Çermën dhe Divjakën. E ke të sigurt që nuk del deputet.

 

 

Top Channel

PORTOKALLI Portokalli - AG SHOW - Bileta