Flick kërkon me ngulm yllin anglez, Rashford i’u jep afat 24 orësh gjigantëve katalanas 14/01 18:53
Paris Saint-Germain ka arritur një marrëveshje me Napolin për transferimin e yllit të tyre, Khvicha Kvaratskhelia gjatë merkatos së janarit.
Sipas gazetarit italian Fabrizio Romano dhe medias franceze RMC Sport, është rënë dakord për te gjitha detajet e transferimit të yllit gjeorgjian tek parisienët.
Sipas RMC Sport Napoli do të marrë mbi 70 milionë euro për sulmuesin 23-vjeçar. Ai do të nënshkruajë një kontratë 4-vjeçare në Parc des Princes, dhe mendohet se ai do te paguhet rreth 9 milionë euro në sezon plus bonuse, 6-fishi i pagës që fiton aktualisht tek napolitanët.
Kvaratskhelia është ende nën kontratën e tij të parë me Napolin që nënshkroi në vitin 2022 kur u transferua tek napolitanët, duke fituar një rrogë prej 1.5 milion eurosh në sezon.
Javën e kaluar trajneri i Napolit, Antonio Conte konfirmoi se Kvaratskhelia kishte kërkuar të largohej nga klubi gjatë merkatos së janarit.
PSG, që gjithashtu kishte bërë përpjekje për të siguruar shërbimet e yllit të Napolit edhe gjatë verës së 2024, lëvizi shpejt për të arritur një marrëveshje me Partenopei.
Top Channel
