“Perëndia u shfaq në mish”, mesazhi i Kryepeshkopit Janullatos në prag Krishtlindje: S’ka gjë më të bukur sesa të duash 22/12 11:47
Dashamirës të librit, autor, botues, përkthyes u mblodhën për të festuar së bashku 25 vjetorin e krijimit të librarisë Adrions, në qendër të Tiranës.
“Nuk është vetëm festa e Adrions është festa e të gjithë botuesve, lexuesve, përkthyesve. Kjo librari është simbol i qytetit të Tiranës. Këtu kanë patur mundësi të marrin botimet më të mira shqiptare dhe të huaja.”, shprehet Teodor Misha.
Mes bisedave të komunitetit letrar, autori Prec Zogaj ndau rëndësinë që ka mjedisi ku lexuesi gjendet më pranë librit.
“25 vjet është mosha më e bukur jo vetëm për njeriun por dhe për librarinë. Libri nuk është mall i zakonshëm, librarët ngjajnë me farmacistin. Librarët duhet të jenë njohës të thellë. Nëse libri nuk shitet është libër pa shtëpi.”, shprehet Preç Zogaj.
Në këtë librari janë të shpeshta promovimet e librave, takimet me autorë vendas dhe ndërkombëtar, për të nxitur një mjedis inkurajues për dialogun dhe vlerësimin ndaj letërsisë.
Top Channel
