Johnson kandidon për të marrë drejtimin e Dhomës së Përfaqësuesve, Trump e mbështet: Ka miratimin tim të plotë 30/12 18:16
Njerëzit mund të kthehen së shpejti për të jetuar në pyjet e Çernobilit pasi shkencëtarët zbuluan bretkosat e zeza mutante në zonë.
Bretkosat e pemëve lindore që jetojnë pranë zonës u zbuluan se kishin lëkurë të zezë, në vend të ngjyrës së gjelbër normale. Tani një studiues ka raportuar në një studim të ri se bretkosat e zeza jetojnë për aq kohë sa “të afërmit” e tyre të gjelbër.Termocentrali bërthamor në Çernobil, shpërtheu në vitin 1986 duke shkaktuar evakuimin e 350,000 njerëzve, vdekjen e të paktën 30 personave dhe një zonë përjashtimi rreth zonës së centralit me madhësinë e Northumbria.
Pavarësisht zbatimit të zonës, disa komunitete të vogla janë kthyer për të jetuar atje me atë që Agjencia Ndërkombëtare e Energjisë Atomike (IAEA) e quan rrezatim “në nivele të tolerueshme ekspozimi për periudha të kufizuara kohore”.
Megjithatë, nuk ka pasur kthim masiv dhe IAEA ka thënë se fëmijët nuk lejohen të jetojnë atje dhe shumica e njerëzve që jetojnë në qytetet e sapondërtuara. Por disa kafshë të egra kanë jetuar dhe besohet se kjo mund të nënkuptojë se njerëzit një ditë mund të kthehen në Çernobil.
Germán Orizaola nga Universiteti i Oviedos në Spanjë është autori i studimit të ri, i cili tha: “Nuk duket të ketë ndonjë ndryshim në moshë midis bretkosave të errëta dhe normale”.
Kjo, shpresojnë shkencëtarët, është ajo që tregon se njerëzit mund të jetojnë në zonën e përjashtimit pa u dëmtuar nga rrezatimi.
“Nivelet aktuale të rrezatimit të përjetuara nga bretkosat e pemëve në Çernobil nuk ndikojnë në jetëgjatësinë e tyre,” tha Dr Orizaola.
Besohet se bretkosat janë të zeza për shkak të niveleve më të larta të melaninës në lëkurë dhe se kjo ishte e lidhur me nivelet e rrezatimit rreth kohës së fatkeqësisë së vitit 1986.
Top Channel
