“Luajtja bixhoz me marrëdhëniet me aleatët nuk i bën nder Kosovës”, Presidentja Osmani ashpërson gjuhën ndaj Kurtit: Asnjëherë s’i kam kuptuar talljet ndaj partnerëve
21/11 12:00
Pagat në sektorin publik në Kosovë do të rriten në fillim të vitit të ardhshëm, sipas vendimit që mori sot Qeveria e Kosovës.
Sipas ministrit të Financave, Hekuran Murati, rritja e pagave do të përfshijë dy faza.
“Rritja bëhet në dy faza, pra fillimisht rritja do të bëhet me gjysmë njësi të koeficientit nga janari apo 55 euro bruto për të gjithë të punësuarit. Kurse nga korriku hyn në fuqi edhe pjesa e dytë e rritjes pra gjysma tjetër e koeficientit për të rezultuar në një koeficient të plotë pa 110 euro shtesë për secilin të punësuar në sektorin publik”, tha ministri.
Ndërkohë, një rritje page prej 17.85% parashikohet për mësuesit e ushtarët, ndërsa deri në 20 % më shumë do të marrin policët, zjarrfikësit dhe infermierët.
“Ka edhe pozita me koeficientin 4 punëtorët teknikë, ku rritja e shprehur në përqindje do t’i bie mbi 25%. Pra, kemi dashur që ato para që i kemi në dispozicion t’i shpërndajmë sa më shumë te ata që kanë pagat më të ulëta”, tha Murati.
Sipas tabelës që prezantoi ministri, mësuesit aktualisht kanë 616 euro pagën bazë, dhe pas rritjes do të marrin 726 euro. Policët nga 550 euro do të marrin 660 euro, infermierët nga 605 do të marrin 715 euro, zjarrfikësit nga 550 euro do të marrin 660 euro dhe ushtarët nga 616 euro do të marrin 726 euro.
Top Channel
