Putin fal borxhet për luftën/ Presidenti rus josh qytetarët e zhytur në kredi për të luftuar në Ukrainë 24/11 13:22
Një politikan është ekzekutuar këtë të diel në Indi.
Disa persona të armatosur hapën zjarr dhe vranë politikanin indian Baba Siddique, 66 vjeç. Ngjarja ka ndodhur në lagjen e Mumbait, pranë zyrës së djalit të viktimës.
Siddique ishte një ish-ministër vendor në shtetin e Maharashtra, i cili pritet të mbahen zgjedhjet parlamentare në nëntor. Në shkurt ai u largua nga Kongresi, partia kryesore opozitare e Indisë, dhe u bashkua me Partinë e Kongresit Kombëtar rajonal (NCP), e cila është pjesë e koalicionit qeverisës BJP. Siç shkruan dhe BBC, 66-vjeçari ishte i njohur për festat luksoze dhe lidhjet e tij të ngushta me super yjet e Bollywood-it.
Në lidhje me ngjarjen e rëndë janë arrestuar dy persona, por ende nuk dihen motivet e vrasjes. Policia indiane është në kërkim të një personi të tretë, i cili dyshohet se është përfshirë në vrasjen e politikanit.
Sipas mediave indiane, të dyshuarit i përkasin një bande të drejtuar nga krimineli famëkeq Laërence Bishnoi, ku ky i fundit ndodhet në burg që prej vitit 2022.
Top Channel
