Arabia Saudite kishte informuar Gjermaninë që në nëntor 2023 për sulmin, Bundestagu heton punën e shërbimeve inteligjente për sulmin në tregun e Krishtlindjeve
23/12 11:45
Një vit më parë, grupi militant i Hamasit nisi një sulm të befasishëm ndaj Izraelit që vrau 1200 njerëz. 251 të tjerë u morën peng.
Rreth orës 6:30 të mëngjesit të 7 tetorit 2023, ditën e fundit të ditës së shenjtë hebraike të Shabatit dhe festës së Simchat Torah, një breshëri raketash u lëshua nga Gaza në Izrael.
Më pas, mijëra njerëz të armatosur hynë në territorin izraelit, në atë që Hamasi e quajti Operacionin Al-Aksa Flood, për të nisur sulmin më vdekjeprurës në historinë e Izraelit.
Përmasat e masakrës erdhi si një tronditje për shoqërinë izraelite, e cila ende nuk është rikuperuar, shkruan The Guardian. Pas 7 tetorit, Izraeli nisi një luftë të përgjakshme në Gaza që ka vrarë 41.800 palestinezë dhe vazhdon edhe sot.
Kënga që u luajt ndërsa militantët e Hamasit sulmuan festivalin e muzikës Nova vitin e kaluar u ridëgjua gjatë një memoriali për të vrarët në atë vend në sulmet e 7 tetorit.
Në një moment emocionues për familjen dhe miqtë e të vrarëve dhe të rrëmbyerve në Gaza, pista u luajt, dhe më pas u ndal papritur, në të njëjtën kohë si vitin e kaluar.
Shumë prej të mbledhurve në memorial qanë, përqafuan dhe ngushëlluan njëri-tjetrin duke kujtuar momentet e fundit të të dashurve të tyre.
Presidenti izraelit Isaac Herzog mori pjesë në ceremoni, duke folur me familjet e të vrarëve këtu dhe duke ecur nëpër fushën përkujtimore.
Top Channel
